Inicio
Kaldearte
Fiestas Barrios
Fiestas Pueblos
Enbor Bereko Ezpala
Idatzi batean oinarrituriko ikus-entzunezko obra hibridatua da (zuzeneko musika, kantak, errezitaldia eta bisualak). Naturak, emakumeak bezala sortzeko gaitasuna du, eta emankortasun hori euskal sorkuntzarekin sinbolikoki lotuz ikus-entzunezko esperientzia artistiko bat emango da hiru artisten eskutik: Nefer Olaizola Balboa, Maider Lasa Santamaria eta Itxaso Navarro Celestino.
Azken finean, lotura poetiko bat emango da ikusizko elementuen, soinuzko elementuen eta elementu narratiboen konbinazio baten bidez, emakumearen bizitza emateko edo sortzeko dohaina aztertuz.
Sinopsia:
Enbor beretik jaio diren animali, lore eta hitzak. Amonak josten dituen bizitzaren hariak. Bildotsaren hotza. Amaren beroa. Zilbor orbaina eta goroldio berdea. Emakumeari eta naturari bihotzez egindako aldare edo kantua.